मारवाड़ी भासा(also variously Marwari, Marvari, Marwadi, Marvadi) भारत रै राजस्थांन राज्य मांय बोली जावै, पण पागथिला राज्य गुजरात अर उगमणा पाकिस्तान मांय ई इणरा बोलणिया मिळै है.

13.2 मिलियन बोलणियौ साथै(1997 रा, ca. 13 मिलियन भारत रा राजस्थांन मांय अर 200,000 पाकिस्तान मांय) आ "राजस्थानी समुह" मांय सबसूं म्होठी बोली है. अर राजस्थांनी भारत री सबसूं म्होठी भासा है.

पैला मारवाड़ी नै महाजनी लिपी मांय लिखता अर अबार देवनागरी लिपी मांय लिखै है. मारवाड़ी नै अबार भणाई अर राज रा काम काजां मांय कोई मानता कोनी. लारला दिनां मांय केन्द्र सरकार माथै दबाव बणायौ है, कै इणनै मानता देय’र संविधान री 8मी सुची मांय सामल करै.

राजस्थांन सरकार मारवाड़ी भासा नै राजस्थांनी भासा रै नांव सूं नै मानता दे दि है.

मारवाड़

मारवाड़ भारत गणराज्य रै आत्मणी दिसा मांय राजस्थांन राज्य रै लंकाथमणौ (लंकऊ-आथणी) दिसा मांय आयौड़ौ है. मारवाड़ रौ घणखरौ भाग रण (रेतीलौ / धोरांवाळौ) है. थळी (Thar) मरुथळ रौ घणकरौ भाग मारवाड़ मांय आवै है. राजस्थांनी मांय "वाड़" रौ मतळब व्है, भोम (प्रदेस). लोग इयूं ई कह्‌वै है कै, मारवाड़ सबद संस्कृत रै "मरुवात" सबद सूं बण्योड़ौ है. मारवाड़ रौ मतळब व्हियौ... The Land of death.

मरणै नै जठै तैवार मांनै...... वा धरती है..........मारवाड़